سٹی42: ہر سال دو سو ملین بار بجلی کہاں گرتی ہے۔ آسمانی بجلی کے متعلق مشہور کہاوتوں کی حقیقت کیا ہے؛ کیا سچ ہے، کیا خطرناک ہے، اور طوفان میں آپ کی جان کو کیا خطرے لاحق ہیں، آسمانی بجلی کے نقصان سے کیسے بچا سکتا ہے۔
پاکستان میں میٹ ڈیپارٹمنٹ کی فورکاسٹ کے مطابق آئندہ کئی روز تک وسیع علاقوں میں تھنڈر سٹارم (بجلی کی گرج چمک کے طوفان) کا خطرہ ہے، تھنڈر سٹارمز کی ابتدا کل جمعرات کے روز ہو چکی ہے۔ ان تھنڈر سٹارمز کے دوران آسمانی بجلی کے خطرے سے کیسے بچا جا سکتا ہے۔
کیا آپ طوفان کے دوران اپنے واش روم میں نہا سکتے ہیں؟ جس پر آسمانی بجلی گری ہو کیا اس کو چھو سکتے ہیں؟ آسمان پر بجلیاں چمک رہی ہوں تو گیس بھر سکتے ہیں؟ بجلی چمک رہی ہو تو کیا بارش میں نہا سکتے ہیں؟ آسمانی بجلی سے حفاظت کے ماہر جان جینیئس نے عام طور پر مشہور حکایتوں کی حقیقت کھول دی اور حفاظت اور خطرے کے درمیان فرق واضح کر دیا۔ صحیح معلومات اور حفاظتی انتظام کرنے سے آسمانی بجلی کی وجہ سے ہونے والے حادثات مین مورت سے بچا جا سکتا ہے۔
موسم کی ویب سائٹ ایکو ویدر AccuWeather پر شائع ہونے والی ایک رپورٹ میں بتایا گیا ہے کہ امریکہ میں ہر سال 200 ملین سے زیادہ بجلی گرنے کے واقعات کا پتہ چلتا ہے۔
یہ بات طے ہے کہ آسمانی بجلی کے متعلق صحیح حقائق جان کر اور اب کئی ایپلی کیشنز پر دستیاب آسمانی بجلی کے متعلق “لائٹننگ الرٹس ” سے باخبر رہ کر آپ زیادہ محفوظ اور تیار رہ سکتے ہیں۔
جیسے جیسے موسم گرما کے دوران آنے والے تھنڈر سٹارم (گرج چمک کے طوفان) کا موسم بڑھتا ہے، اسی طرح آسمانی بجلی کا خطرہ بھی بڑھتا ہے — کل جمعرات کے روز پنجاب کے شمالی اور وسطیٰ علاقوں میں بہت سی جگہوں پر تھنڈر سٹارم آیا، آسمانی بجلی گرنے کے کئی واقعات ہوئے جن میں آزاد کشمیر کے میر پور کے علاقہ میں ایک نوجواب آسمانی بجلی کی زد میں آ کر جاں بحق ہوا۔
ایکو ویدر کی رپورٹ میں بتایا گیا ہے کہ آسمانی بجلی گرنے کے متلعق کئی دہائیوں کی غلط معلومات۔ طوفان کے دوران نہانے سے لے کر گیس پمپ کرنے تک، آسمانی بجلی کے بارے میں خوفزدہ کرنے والی بہت سی خرافات بڑے پیمانے پر گردش کرتی رہتی ہیں، جو اکثر لوگوں کو حفاظت فراہم کرنے کی بجائے غیر ضروری خطرے میں ڈال دیتی ہیں۔
آسمانی بجلی کے متعلق پبلک کے خیالات کو کو سیدھا کرنے میں مدد کے لیے، AccuWeather نے نیشنل لائٹننگ سیفٹی کونسل کے لائٹنگ سیفٹی ماہر جان جینیئس سے بات کی۔ یہاں آپ کو اس گفتگو کی خاص باتیں بتائی جائیں گی۔
مفروضہ: طوفان کے دوران نہانا محفوظ ہے
حقیقت: غلط اور ممکنہ طور پر مہلک
تھنڈر سٹارم کے دوران گھر کے واش روم میں نہانا محفوظ نہیں۔
بعض لوگ طوفان کے دوران کسی بھی پلمبنگ کے استعمال کے خلاف خبردار کرتے ہیں۔ “اگر بجلی آپ کے گھر پر گرتی ہے،” آسمانی بجلی کے ایکسپرٹ جینسیئس نے وضاحت کی، “یہ عام طور پر تاروں یا پلمبنگ کے پائپوں سے گزرتی ہے۔” اس کا مطلب ہے کہ نہانا، برتن دھونا یا نل سے بہتا ہوا پانی بھی آپ کو نقصان پہنچا سکتا ہے۔ یہاں تک کہ نان میٹل پائپ بھی پانی کے ذریعے ہی بجلی کو آپ کے ہاتھ اور جسم تک لا سکتے ہیں۔
مفروضہ: آپ طوفان کے دوران اپنا فون استعمال نہیں کر سکتے
حقیقت: یہ مفروضہ غلط ہے
آپ تھنڈر سٹارم کے دوران فون استعمال کر سکتے ہیں – اگر یہ بے تار ( سیلولر/ موبائل) ہے۔آسمانی بجلی کے ایکسپرٹ جینینس کا کہنا ہے کہ “سیل فون اس وقت تک محفوظ ہیں جب تک کہ وہ دیوار سے نہ چھو رہے ہوں۔” خطرہ طوفان کے دوران تار سے جڑے (لینڈ لائن) فونز یا موبائل ڈیوائسز کے فعال طور پر چارج ہونے س کے دوران انہیں استعمال کرنے ہوتا ہے۔ اگر آپ کا فون چارج ہو رہا ہے اور بجلی گرنے پر آپ اسے پکڑے ہوئے ہیں، تو دراصل آپ اپنے گھر کے برقی نظام سے جڑے ہوئے ہیں—آپ کو خطرہ لاحق ہے
مفروضہ: طوفان کے دوران گیس پمپ کرنا محفوظ ہے
حقیقت: بالکل نہیں
اگرچہ زیادہ تر گیس اسٹیشن / پٹرول پمپ کینوپی سے اچھی طرح سے ڈھکے ہوتے ہیں، وہ خطرے سے پاک نہیں ہیں۔ “ایسے واقعات ہوئے ہیں جہاں بجلی گرنے سے دھماکے ہوئے ہیں، اور پٹرول پمپ پر آگ لگی ہے۔”، بجلی کے ایکسپرٹ جینسیئس نے نوٹ کیا کہ زیادہ تشویش کی بات یہ ہے کہ پٹرول پمپ کے آس پاس بجلی گرنے سے اس پورےعلاقے میں زمینی کرنٹ بڑھ سکتا ہے۔ اگر آپ گاڑی سے باہر کھڑے ہیں، تو آپ خطرے سے دوچار ہیں- چاہے بجلی کینوپی سے براہ راست نہ ہی ٹکرائے۔
مفروضہ: آپ کسی ایسے شخص کو چھو نہیں سکتے جس پر بجلی گر گئی ہو
حقیقت: بالکل جھوٹ
آسمانی بجلی کا شکار ہونے والے شخص کے جسم پر بجلی کا چارج موجودنہیں رہتا ہے۔ ان کو چھونا محفوظ ہے اور ان کی زندگی بچانے کے لئے تیزی سے کام کرنا ضروری ہے۔
آپ کے قریب کسی پر آسمانی بجلی گرے تو اسے چھونے سے مت ڈریں، بے خوفی کے ساتھ اس کی ہر ضروری مدد کریں،1122 پر کال کریں اور فوری طور پر ابتدائی طبی امداد یا CPR شروع کریں۔ سی ڈی سی کے مطابق، “بجلی سے موت کی سب سے عام وجہ کارڈیک اریسٹ ہے۔” جس انسان پر بجلی گرتی ہے ممکنہ طور پر اس کا دل نارمل کام نہیں کر رہا ہوتا، اسے ایسی ہی طبی امداد دیں جیسی کسی دل کے دورہ کا شکار ہونے والے کو دی جاتی ہے۔
مفروضہ: اگر بارش نہ ہو تو آسمانی بجلی نہیں گرے گی
حقیقت: یہ تصور غلط ہے۔ بجلی بارش برسے بغیر بھی گرتی ہے
“اگر آپ گرج کی آواز سن سکتے ہیں، تو آپ حیرت انگیز فاصلے کے اندر ہیں،” بجلی کے ایکسپرٹ جینسیئس نے کہا۔ آسمانی بجلی طوفان سے 10 میل دوری کے علاقہ تک پہنچ سکتی ہے — جہاں بارش ہو رہی ہے اس سے کہیں زیادہ دور تک بجلی گرنے کا امکان ہوتا ہے۔ کسی علاقہ میں تھنڈر سٹارم ہو تو متعلقہ گرج چمک کے علاقہ سے کئی میل دور جس علاقہ مین بارش نہیں ہو رہی وہاں بجلی گرنے کو “Bolt from the blue” کہا جاتا ہے۔ اسی لیے امریکہ کی نیشنل ویدر سروس کہتی ہے: جب گرج گرجتی ہے تو گھر کے اندر چلے جائیں۔
مفروضہ: درخت کے نیچے پناہ لینا محفوظ ہے
حقیقت: یہ سب سے مہلک مفروضوں میں سے ایک ہے
جس علاقہ مین تھنڈر سٹارم (گرج چمک کا طوفان) ہو، درخت اکثر اس علاقے کی سب سے اونچی چیزیں ہوتے ہیں، ان کا زمین سے اونچا ہونا ان کو آسمانی بجلی کا اہم ہدف بناتا ہے۔ آسمانی بجلی کے ایکسپرٹ جینینس نے وضاحت کی”جب بجلی کسی درخت سے ٹکراتی ہے، تو یہ زیر زمین غائب نہیں ہوتی۔ یہ زمین پر پھیل جاتی ہے- اور آس پاس کے کسی کو جاندار کی طرف بھی چھلانگ لگا سکتی ہے” ۔
مفروضہ: آپ کھلے میدان میں زمین کے ساتھ جھک کر بجلی سے زیادہ محفوظ ہو جاتےہیں
حقیقت: خطرہ بہرحال برقرار
تھنڈر سٹارم کے دوران زمین کے ساتھ جھک کر رہنا سیدھا کھڑے رہنے سے بہتر ہے— لیکن پھر بھی خطرناک۔ اگر آپ باہر کھلی جگہ پر تھنڈر سٹارم کے دوران پھنس گئے ہیں، تو آپ کا بہترین اقدام یہ ہے کہ جلد از جلد پناہ کی طرف بھاگیں۔ “یہاں تک کہ اگر آپ کو محفوظ جگہ تک پہنچنے میں 15 منٹ لگتے ہیں، تو آپ بھاگتے ہوئے وہاں پہنچ کر اپنے خطرے کو نصف کم کر رہے ہیں،”۔
مفروضہ: آسمانی بجلی ایک ہی جگہ دو بار نہیں گرے گی
حقیقت: بالکل جھوٹ
درحقیقت، کچھ جگہیں مشہور طور پر بار بار آسمانی بجلی کا نشانہ بنتی ہیں۔ نیویارک میں مشہور بلند عمارت “ایمپائر اسٹیٹ بلڈنگ کو آسمانی بجلی سال میں تقریباً 23 بار نشانہ بناتی ہے۔
بجلی کے ایکسپرٹ” جینینس نے کہا۔ نیو یارک ہاربر میں سب سے اونچے سٹرکچرز میں سے ایک ہونے کی وجہ سے، دنیا میں مشہور مجسمہ آزادی بھی آسمانی بجلی کا بار بار نشانہ بنتا ہے۔سٹیچو آف لبرٹی کی اونچائی اور اس میں استعمال ہونے والا تانبا اسے آسمانی بجلی کا قدرتی ہدف بناتا ہے۔
امریکہ کی نیشنل پارک سروس کے مطابق، مجسمے کو کنکریٹ اور گرینائٹ کے پیڈسٹل کے ذریعے محفوظ طریقے سے گراؤنڈ کیا گیا ہے۔
آسمانی بجلی گرنے سے ہونے والی زیادہ تر اموات روکی جا سکتی ہیں
جینینس کا کہنا ہے کہ ” کہیں بھی آسمانی بجلی ایک خطرہ ہے۔ ” حفاظت کی چابی آگے کی منصوبہ بندی کرنا ہے۔” اس کا مطلب ہے کہ باہر نکلنے سے پہلے موسم کے ایکسپرٹس کی فورکاسٹ کی جانچ پڑتال کریں اور اس بات کو یقینی بنائیں کہ اگر طوفان آتے ہیں تو آپ تیزی سے محفوظ پناہ گاہ تک پہنچ سکیں۔
کیسے محفوظ رہیں اور بجلی گرنے کے لیے تیار رہیں
کئی ماہرین کے ترتیب دیئے ہوئے مشوروں، مثلاً ایکو ویدر کی ایپلی کیشن AccuWeather ایپ میں آسمانی بجلی کے الرٹ کو فعال کرنے سے آپ کو اور آپ کے خاندان کو شدید موسم کے دوران بجلی گرنے کے خطرات سے بچانے میں مدد ملتی ہے۔
ماہی گیر اور مرد آسمانی بجلی سے زیادہ مرتے ہیں
ایکو ویدر کی اس رپورٹ میں بتایا گیا ہے کہ 2006 سے، امریکہ میں آسمانی بجلی سے ہونے والی اموات کی سب سے بڑی وجہ ماہی گیری رہی ہے، جس میں 44 اموات ہوئیں۔ مجموعی طور پر، آسمانی بجلی گرنے سے ہونے والی 80% اموات مردوں کی ہوتی ہیں۔ اکثر اس وجہ سے کہ ان کا بیرونی کام یا تفریح میں ملوث ہونے کا امکان زیادہ ہوتا ہے — اور حفاظت سے بھی زیادہ دور ہوتا ہے۔
Caption نیویارک میں سٹیچو آف لبرٹی پر بجلی گرنے کی یہ یادگار تصویر 2024 کے اپریل میں چار تاریخ کو بنائی گئی تھی جب نیویارک اور نیوجرسی مین ایک طاقتور تھڈر سٹارم آیا تھا اور تیز ہواؤں کے ساتھ بہت بجلیاں کڑکی تھیں۔
باٹم لائن:
آپ کو بجلی سے ڈرنے کی ضرورت نہیں ہے، لیکن آپ کو اس کا احترام کرنے کی ضرورت ہے۔ صرف یہ کیجئے کہ موسم کی فورکاسٹ سے باخبر رہیں، ویدر ریڈار کو مانیٹر کریں، آسمان پر نظر رکھیں اور یاد رکھیں: اگر گرج چمکتی ہے تو گھر کے اندر جائیں!
